27.12.2009

今朝9點9度先捨得起身...

換衫...化妝...就過康o個邊一齊食早餐先...

然後12點度就撘地鐵過黃大仙join Rae同Alan...

一齊撘巴士入元 朗...因為今日約左一大班人入Alan女麻女麻度BBQ...

本來大家約左1點...但係等下人...買下野...差唔多4點度先撘的士入八鄉...

明明尋日我同康去迪士尼天氣都好好...但係今日突然落雨...仲冇停過tim... = ="

入到去...我估唔到真係有咁多狗...@@"

一路行入村...幾乎每一間屋都有一隻大狗...

每一隻都企左o係牆或者門口度不斷咁叫...

雖然佢地出唔到黎...但係真係嚇到我腳都軟埋...因為隻隻都好惡...

然後一去到Alan女麻女麻屋企...Rae隻狗又不斷咁叫...仲要不斷纏住我...

o個陣康去左toilet...嚇到我係咁避...係咁嗌...差d嚇到我喊出黎咁制...

康『tum』左我差唔多成個鐘...我先至慢慢冇事...= ="

跟住大家就開開心心燒野食...

不過真係好凍...溫度已經低架啦...又要落雨...o個度仲要咁僻tim...

我地燒到9點幾就走lu...愈夜愈凍...走o個陣成個人凍到震...

同康撘巴士出番太和火車站...撘去九龍塘再轉地鐵返屋企...

26.12.2009

好野...今日好好天呀...好開心...

8點度...我就起身lu...

然後換衫...化妝...就過去康o個邊食個早餐先...

哈...我地既早餐...一模一樣...

到達迪士尼站...

兩個分數會唔會有點兒差太遠呢...@@"

my cute Donald...

搵唔到Donald...米奇都好...

我地既lunch...不過都係3點幾4點先至食...

嗚嗚...當我好辛苦搵到佢地既時候...排隊既時間已經cut左...

我地睇埋個亮燈儀式...撘埋架火車就走lu...

本來係想睇埋個煙花既...

不過因為要去搵ida拎Sammi演唱會d飛...所以就冇睇到lu...

ida...真係好多謝你!!

搵完ida...我地就撘巴士過旺角...

康帶左我去食美而廉...6成牛柳...好好味...yummy!!

食完...康就送我返屋企lu...

25.12.2009

我同康今朝其實9點幾已經醒左架啦...

但係要去到11點幾先至捨得起身...

本來仲諗住今日去迪士尼...但係因為太晏啦...

聽日睇下個天會唔會落雨...如果冇落雨就聽日去...

起身換好衫...就同康落茶樓同佢Mammy飲茶...

wa...第一次見...真係好緊張...事前又冇任何心理準備...

好彩同佢Mammy都算多野講...起碼唔會靜左冇出聲...

飲完茶...我同康就返上佢屋企同佢阿哥同佢阿哥女朋友打Will...

雖然我唔係成日打機...但係又唔洗差成咁既...= ="

打到咁上下...就同康同佢Mammy去醫院探佢女麻女麻...

然後夜晚仲同埋康一大班親戚打邊爐...

食完飯之後...康就送我返屋企lu...

今個聖誕雖然唔係多姿多彩...
唔係去左好多地方...亦冇影左好多相...
但係今年聖誕係我過咁多年之中最開心既一個聖誕...
有你陪我過已經好足夠...平平凡凡已經好滿足...
只要有你o係我身邊已經係最好！

24.12.2009

今日大部份既野都清得七七八八...

係差少少AML...下個禮拜先至整埋去...

放工約左ida同Kelvin食飯...

本來我地係話約6點左右既...點知佢兩個差唔多7點半先出到黎...= ="

好彩我都可以o係公司留晏d...如果唔係都唔知去邊行好...

join左佢地...我地就去pizza hut搵位...

好多人...要等成廿幾張檯...@@"

不過都好...因為o係等檯既同時...可以等埋康放工...

好開心...康今日唔洗開到好夜...XDD"

我地等到9點半先有位...康遲多少少都黎到lu...

我地一路食...一路傾...笑到勁肚痛...WAKAKA

食完飯...我同康就周圍行...行埋過尖東海旁...

1點幾2點...就撘地鐵返康度lu...

收到你第一年既聖誕禮物...我真係好開心...
感覺好sweet...

23.12.2009

今日又唔係話太忙...

不過想o係放聖誕假前盡量清一清手頭上既野...

放左工...因為康仲未放工...

所以我就過葵芳搵佢食飯...

食完飯...我地就周圍行陣...

行到咁上下...康要返上公司繼續做野lu...

而我就撘地鐵返屋企啦...